ඉන්දීය ක්රිකට් කණ්ඩායමේ හිටපු නායක විරාට් කෝලි සහ තරුණ පිතිකරු ශුබ්මන් ගිල් අතර පවතින සහෝදරත්වයට සමාන මිත්රත්වය ක්රිකට් ලෝලීන්ට අමුතුවෙන් කිව යුතු නොවේ. කෝලි නිතරම ගිල්ව තමන්ගේ ක්රිකට් උපදේශකයෙකු මෙන්ම ආදර්ශයක් ලෙසද හඳුන්වා දී ඇත.
කෙසේ වෙතත්, මේ දිනවල සමාජ මාධ්ය තුළ වේගයෙන් පැතිර යන හාස්යජනක වීඩියෝවක් හේතුවෙන් ගිල්ට අලුත්ම “භූමිකාවක්” හිමිව තිබේ. එම වීඩියෝවේ අන්තර්ගත වන්නේ කෝලිගේ පුත් අකායිගේ පාසල් ගුරුවරයෙකු ලෙස රඟපාන නිර්මාණකරුවෙකු විසින් ගිල්ව අකායිගේ “මාමා” ලෙස හඳුන්වා දීමයි.
මෙම විහිළු සහගත වීඩියෝවට ප්රතිචාර දක්වමින් ශුබ්මන් ගිල්, විරාට් කෝලිව ටැග් කරමින් “මල්ලි කලබල වෙන්න එපා, මම බලාගන්නම්” යන අරුත ඇතිව “bhai dw I gotchu” ලෙස සටහනක් තබා තිබුණි. ගිල්ගේ මෙම ක්ෂණික ප්රතිචාරය මේ වන විට සමාජ මාධ්ය පරිශීලකයන් අතර දැඩි කතාබහට ලක්ව ඇත.
ක්රිකට් පිටියෙන් පිටත ඔවුන් දෙදෙනා අතර පවතින මෙම සුහද සබඳතාව රසිකයන්ගේ දැඩි ආදරයට පාත්ර වී තිබේ. ඉදිරියේදී පැවැත්වීමට නියමිත එක්දින තරගාවලිය සඳහා කෝලි සහ ගිල් යළිත් වරක් ඉන්දීය කණ්ඩායම නියෝජනය කරමින් එකම ඇඳුම් මාරු කාමරය බෙදා ගැනීමට නියමිතව ඇත.
