පර්සියානු බොක්ක ආශ්රිත මුහුදු තීරයේ පවතින උණුසුම්කාරී තත්ත්වය තවදුරටත් උත්සන්න කරමින් ඉරාන ඉස්ලාමීය විප්ලවීය ආරක්ෂක බලකාය විසින් අමෙරිකානු නෞකා දෙකක් සහ බොරතෙල් නෞකා අටක් ඉලක්ක කර දැවැන්ත ප්රහාරයක් එල්ල කර ඇති බව වාර්තා වේ.
තම රටට අයත් බොරතෙල් නෞකා පහක් අමෙරිකානු හමුදා විසින් විනාශ කිරීමට ප්රතිචාර වශයෙන් මෙම ප්රහාරය දියත් කළ බව ඉරාන මාධ්ය වාර්තා පෙන්වා දෙයි. මීට අමතරව, හෝමුස් සමුද්ර සන්ධිය හරහා ගමන් කිරීමට උත්සාහ කළ තවත් නෞකා දහයක් ද සිය ඉලක්ක බවට පත්කරගත් බව ආරක්ෂක බලකාය වැඩිදුරටත් සඳහන් කරයි.
මෙම හදිසි නාවික ගැටුම්කාරී තත්ත්වය හේතුවෙන් පර්සියානු බොක්ක සහ හෝමුස් සමුද්ර සන්ධිය ආශ්රිත ජාත්යන්තර මුහුදු තීරයේ ආරක්ෂාවට දැඩි තර්ජනයක් එල්ල වී ඇත. එමෙන්ම, මෙම කලාපය හරහා සිදුවන නාවික ගමනාගමනයට සහ තෙල් ප්රවාහන කටයුතුවලට ද බාධා මතුව තිබේ.
දෙපාර්ශ්වය අතර පවතින මෙම උණුසුම් තත්ත්වය ජාත්යන්තර අවධානයට ලක්ව ඇති අතර, කලාපීය ආරක්ෂාව සහ බලශක්ති සැපයුම් දාමය පිළිබඳව ලෝක බලවතුන්ගේ දැඩි අවධානය යොමුව ඇත.
