ඩිජිටල්කරණය සහ කෘත්‍රිම බුද්ධිය භාවිතයෙන් ගෝලීය සංචාරක ක්ෂේත්‍රය ප්‍රතිනිර්මාණය වෙමින් පවතින පසුබිමක, ‘City of Dreams Sri Lanka’ ඒකාබද්ධ නිකේතනය මෙරට සංචාරක අත්දැකීම් නව මාවතකට රැගෙන යාමට පියවර ගෙන ඇත. මෙය ශ්‍රී ලංකාවේ සංචාරක ක්ෂේත්‍රයේ සුවිශේෂී සන්ධිස්ථානයක් සනිටුහන් කරමින් කොළඹ නගරය ජාත්‍යන්තර මට්ටමේ සංචාරක ගමනාන්තයක් බවට පත් කිරීමට අපේක්ෂා කරයි.
මෙම ව්‍යාපෘතිය පිළිබඳව අදහස් දක්වමින් එහි උප සභාපති සහ දේපොළ සාමාන්‍යාධිකාරී මයිකල් හබාෂි මහතා සඳහන් කළේ, මෙය හුදෙක් හෝටල් සේවාවක් පමණක් නොව සංචාරකයන් කොළඹ නගරය විඳගන්නා ආකාරය සම්පූර්ණයෙන්ම වෙනසකට ලක් කරන අත්දැකීමක් බවයි. විවිධ සංචාරක අවශ්‍යතා, ව්‍යාපාරික කටයුතු සහ වෘත්තීය සේවා එකම වහලක් යටට ගෙන ඒම මෙහි විශේෂත්වයකි.
අති නවීන තාක්ෂණය සහ ජාත්‍යන්තර මෙහෙයුම් පද්ධතිවලින් සමන්විත මෙම පරිශ්‍රය, ලොව සුප්‍රසිද්ධ NÜWA සුඛෝපභෝගී හෝටල් සන්නාමය සහ Cinnamon Life සමඟ එක්ව අමුත්තන්ට සුවිශේෂී අත්දැකීම් ලබා දෙයි. මෙහි ඇති ශ්‍රව්‍ය දෘශ්‍ය තාක්ෂණය සහ ඉඩකඩ සහිත යටිතල පහසුකම් නිසා ජාත්‍යන්තර මට්ටමේ සමුළු සහ සංස්කෘතික ප්‍රසංග පැවැත්වීමට ද හැකියාව පවතී.
එමෙන්ම, ‘The Shoppes at City of Dreams Sri Lanka’ සුඛෝපභෝගී සාප්පු සංකීර්ණය හරහා දේශීය විලාසිතා, මැණික් හා ස්වර්ණාභරණ මෙන්ම දේශීය ආහාර සන්නාමයන් වෙත ප්‍රවේශ වීමට සංචාරකයන්ට අවස්ථාව උදා වේ. මෙම ව්‍යාපෘතිය මගින් දේශීය වෘත්තිකයන්ට ජාත්‍යන්තර ප්‍රමිතීන් පිළිබඳ ප්‍රායෝගික දැනුම ලබා ගැනීමටත්, එම දැනුම සමස්ත සංචාරක ක්ෂේත්‍රය පුරා ව්‍යාප්ත කිරීමටත් අවකාශ සැලසෙනු ඇත.
