බොලිවුඩ් සිනමාවේ ආදරණීය යුවළක් වන කියාරා අද්වානි සහ සිද්ධාර්ත් මල්හෝත්‍රා දෙවැනි වරටත් මව්පිය පදවිය ලැබීමට සූදානම් වන බව සිය සමාජ මාධ්‍ය ගිණුම් හරහා රසිකයින්ට දැනුම් දී ඇත.
ඔවුන් දෙදෙනා සිය දියණියගේ දෑත් අතර කුඩා ළදරු මේස් යුගලයක් තබා ඇති ඡායාරූපයක් පළ කරමින් මෙම සතුටුදායක පුවත බෙදාගෙන තිබුණි. “නැවත වරක් සියලු දේ අතරින් විශාලතම තෑග්ගෙන් අප ආශීර්වාද ලැබුවා. අපේ හදවත් ආදරයෙන් සහ කෘතඥතාවයෙන් පිරී තිබෙනවා” යනුවෙන් ඔවුන් එහි සටහන් කර තිබුණි.
මෙම නිවේදනයත් සමඟ බොලිවුඩ් තරු රැසක් ඔවුන් වෙත සුබ පැතුම් එක්කර තිබේ. නිළි කරීනා කපූර් ඛාන්, පරිනීති චොප්රා, රකුල් ප්‍රීත් සිං සහ අධ්‍යක්ෂ කරන් ජොහාර් ඇතුළු පිරිසක් ඔවුන්ගේ සතුටට එක්වෙමින් සුබ පැතුම් පණිවිඩ යොමු කර ඇත.
කියාරා සහ සිද්ධාර්ත් 2023 වසරේදී විවාහ වූ අතර, ඔවුන්ගේ පළමු දියණිය වන සාරායා මල්හෝත්‍රා 2025 වසරේදී උපත ලැබුවාය. මව්පිය පදවිය තම ජීවිතයට ගෙන ආ වෙනස පිළිබඳව මීට පෙර අදහස් දක්වමින් කියාරා පවසා තිබුණේ, මවක් වීමෙන් පසු තම පෞරුෂය සහ ලෝකය දෙස බලන ආකාරය බෙහෙවින් වෙනස් වූ බවයි.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර