ඇමෙරිකානු යුද ඉතිහාසයේ පෙර නොවූ විරූ පියවරක් ලෙස, 2009 වසරේදී ටෙක්සාස් ප්‍රාන්තයේ ෆෝර්ට් හුඩ් හමුදා කඳවුරේදී පුද්ගලයින් 13 දෙනෙකු වෙඩි තබා ඝාතනය කළ නිඩාල් හසන්ගේ මරණ දඬුවම සජීවීව විකාශය කිරීමට ඇමෙරිකානු රජය තීරණය කර ඇත.
හිටපු යුද හමුදා මනෝ වෛද්‍යවරයෙකු වන නිඩාල් හසන්, 1945 වසරෙන් පසු ඇමෙරිකානු හමුදාව විසින් වෙඩි තැබීමේ ක්‍රමවේදය යටතේ මරණ දඬුවම ක්‍රියාත්මක කරන පළමු පුද්ගලයා බවට පත්වනු ඇත.
මෙම දඬුවම් ක්‍රියාවලිය මහජනතාවට දැකබලා ගැනීමට අවස්ථාව සලසා දෙන බව ඇමෙරිකානු ආරක්ෂක ලේකම් පීට් හෙග්සෙත් මීට පෙර ප්‍රකාශ කර තිබුණි. කෙසේ වෙතත්, මෙම විකාශනය සිදුකරන ආකාරය පිළිබඳව මෙතෙක් නිශ්චිත තොරතුරු අනාවරණය වී නොමැත.
පෙන්ටගන නිලධාරියෙකු රොයිටර් පුවත් සේවය වෙත තහවුරු කර ඇත්තේ, ආරක්ෂක ලේකම්වරයාගේ ප්‍රකාශය නිවැරදි බවත්, දෙසැම්බර් 03 වැනිදා මෙම දඬුවම සජීවීව විකාශය කිරීමට නියමිත බවත්ය. ඒ සම්බන්ධ වැඩිදුර තොරතුරු ඉදිරියේදී දැනුම් දෙන බවද එම නිලධාරියා වැඩිදුරටත් සඳහන් කළේය.
