ආරක්ෂක රාජ්‍ය අමාත්‍ය විශ්‍රාමික මේජර් ජෙනරාල් අරුණ ජයසේකර මහතාගේ ප්‍රධානත්වයෙන් පසුගිය ඔක්තෝබර් 11 වන දින කෑගල්ල, උතුවන්කන්ද ප්‍රදේශයේදී විශේෂ ‘ජනතා දින’ වැඩසටහනක් සංවිධානය කර තිබුණි.
මෙම වැඩසටහන සඳහා මාවනැල්ල, උතුවන්කන්ද, කෑගල්ල, අරණායක, ගලිගමුව සහ රඹුක්කන යන ප්‍රදේශවල විශාල පිරිසක් සහභාගී වූහ. ඒ අතර විශ්‍රාමික රණවිරුවන්, මියගිය සහ ආබාධිත රණවිරුවන්ගේ පවුල්වල සාමාජිකයන් මෙන්ම ප්‍රදේශයේ සාමාන්‍ය ජනතාවද සිටියහ.
ජනතාව මුහුණ දෙන විවිධ සුබසාධන ගැටලු සහ ඔවුන්ගේ ඉල්ලීම් පිළිබඳව සෘජුවම අමාත්‍යවරයා දැනුවත් කිරීමට මෙහිදී අවස්ථාව උදාවිය. ජනතාව ඉදිරිපත් කළ කරුණු කෙරෙහි විශේෂ අවධානයක් යොමු කළ අමාත්‍යවරයා, ඒවාට කඩිනම් විසඳුම් ලබා දෙන ලෙස අදාළ නිලධාරීන්ට උපදෙස් ලබා දුන්නේය.
මෙම අවස්ථාව සඳහා ආරක්ෂක රාජ්‍ය අමාත්‍ය කාර්යාලයේ නියෝජිතයන් සහ රාජ්‍ය නිලධාරීන් පිරිසක්ද එක්ව සිටියහ.
