ආපදාවලින් පීඩාවට පත් ජනතාවගේ ජීවිත යළි ගොඩනැගීම සහ ඔවුන්ගේ මූලික අවශ්‍යතා සපුරාලීම වෙනුවෙන් රුපියල් බිලියන 500ක මුදලක් වෙන් කිරීමට රජය පියවර ගෙන ඇත. මහනුවර පැවති උත්සවයකට එක්වෙමින් අග්‍රාමාත්‍යවරයා මේ බව ප්‍රකාශ කළේය.
මෙම මුදල් ප්‍රතිපාදන වෙන් කර ඇත්තේ රට යළි ණය බරට පත් කිරීමෙන් නොවන බවත්, රජය විසින් සිදු කළ දූෂණ හා වංචා පිටුදැකීමේ ක්‍රියාවලිය හරහා භාණ්ඩාගාරයේ ඉතිරි කරගත් මුදල්වලින් බවත් ඔහු අවධාරණය කළේය.
සෑම දරුවෙකුටම ආරක්ෂිත නිවසක් සහ අධ්‍යාපනයක් හිමිවන තෙක් රටේ ප්‍රතිසංස්කරණ වැඩපිළිවෙල අඛණ්ඩව ක්‍රියාත්මක කරන බවද අග්‍රාමාත්‍යවරයා වැඩිදුරටත් සඳහන් කළේය. මහනුවර දිස්ත්‍රික්කයේ ආපදාවට ලක්වූවන් සඳහා ඉඩම් ඔප්පු සහ වන්දි චෙක්පත් ප්‍රදානය කිරීමේ අවස්ථාවට ඔහු එක්ව සිටියේය.
විනිවිදභාවයෙන් යුතුව රාජ්‍ය පාලනය සිදු කිරීමේ ප්‍රතිඵලයක් ලෙස මෙවැනි දැවැන්ත සංවර්ධන සහ සහන වැඩසටහන් ක්‍රියාත්මක කිරීමට හැකියාව ලැබී ඇති බවද මෙහිදී අවධාරණය කෙරිණි.
