2026 වසරේ පැවති ලෝක සංචාරක සම්මාන උළෙලේදී (World Travel Awards) ශ්‍රී ලංකාවේ ප්‍රමුඛතම ඒකාබද්ධ නිකේතනයක් වන ‘City of Dreams Sri Lanka’ සුවිශේෂී සම්මාන දෙකක් දිනා ගැනීමට සමත් විය.
එම සම්මාන උළෙලේදී ‘Asia’s Leading New Resort’ සහ ‘Sri Lanka’s Leading Luxury Resort’ යන සම්මාන ද්විත්වයෙන් එම ආයතනය පිදුම් ලැබීය. මෙම ජයග්‍රහණය මගින් ශ්‍රී ලංකාවේ සුඛෝපභෝගී සංචාරක ක්ෂේත්‍රයේ පවතින ජාත්‍යන්තර මට්ටමේ ගුණාත්මකභාවය සහ වෘත්තීයමය විශිෂ්ටත්වය ලොවට විදහා දක්වයි.
කොළඹ නගරයේ හදවත බඳු ප්‍රදේශයක පිහිටි මෙම නිකේතනය, සුඛෝපභෝගී නවාතැන් පහසුකම්, උසස් මට්ටමේ භෝජනාගාර, විනෝදාස්වාද අංග සහ ව්‍යාපාරික සමුළු සඳහා අවශ්‍ය සියලු පහසුකම් එකම වහලක් යට ලබා දෙන දකුණු ආසියාවේ ප්‍රථම පූර්ණ ඒකාබද්ධ නිකේතනය වේ.
මෙම ජයග්‍රහණය පිළිබඳ අදහස් දක්වමින් ‘City of Dreams Sri Lanka’ හි උප සභාපති සහ ආයතන සාමාන්‍යාධිකාරී මයිකල් හබාෂි මහතා සඳහන් කළේ, සිය පළමු මෙහෙයුම් වසර තුළදීම මෙවැනි ජාත්‍යන්තර ඇගයීමකට ලක්වීම ආයතනය ලැබූ දැවැන්ත සන්ධිස්ථානයක් බවයි. සිය සේවක මණ්ඩලයේ කැපවීම සහ උද්‍යෝගය මෙම ජයග්‍රහණය පිටුපස ඇති බවද ඔහු වැඩිදුරටත් පැවසීය.
මෙම සම්මානයන් ශ්‍රී ලංකාව කලාපයේ ප්‍රමුඛතම සංචාරක ගමනාන්තයක් බවට පත්කිරීමේ ජාතික ක්‍රියාවලියට විශාල ශක්තියක් වන බවත්, ඉදිරියේදී සේවා ප්‍රමිතීන් තවදුරටත් ඉහළ නංවමින් අමුත්තන් සඳහා විශිෂ්ටතම අත්දැකීම් නිර්මාණය කිරීම සිය අරමුණ බවත් කළමනාකාරිත්වය පවසයි.
