ශ්‍රී ලංකාවේ වේදිකා නාට්‍ය කලාව තුළ මෑතකදී ඇති වූ නිහඬ බව බිඳ දමමින්, නව නිර්මාණ රැල්ලක ආරම්භයක් ලෙස හේමන්ත ප්‍රසාද්ගේ නවතම වේදිකා නාට්‍යය වන ‘ආදරණීය බොරු’ එළිදැක්වීමට නියමිතය. ජර්මන් චිත්‍රපටයක් වන ‘THE LIVES OF OTHERS’ හි ආකෘතිය ඇසුරෙන් නිර්මාණය කර ඇති මෙම නාට්‍යය, වර්තමාන දේශපාලන සමාජ පසුබිම හා බැඳුණු ප්‍රබල කතා පුවතක් රැගෙන එයි.
මෙම නිර්මාණය විශේෂ වන්නේ වසර විසිපහකට පසු ප්‍රවීණ රංගන ශිල්පිනී යශෝධා විමලධර්ම නැවතත් වේදිකාවට පිවිසීම හේතුවෙනි. ඇයගේ රංගන දිවියට වසර හතළිහක් පිරීමද මෙවර විශේෂත්වයක් වන අතර, ඇය සමඟ ජනක කුඹුකගේ, ප්‍රසන්නජිත් අබේසූරිය, හර්ෂ තෙන්නකෝන් සහ උපුල් නිශාන්ත ඇතුළු ප්‍රවීණ ශිල්පීන් රැසක් රංගනයෙන් දායක වේ.
නාට්‍යයේ අධ්‍යක්ෂ හේමන්ත ප්‍රසාද් පවසන පරිදි, ශිල්පීන් විස්සකට අධික පිරිසක් සහභාගී වන මෙම දැවැන්ත නිර්මාණය සඳහා විශාල කැපවීමක් සහ ආයෝජනයක් සිදු කර ඇත. දර්ශන රුවන් දිසානායකගේ සංගීතයෙන් හැඩවෙන මෙම නාට්‍යය ඉන්දියානු පසුබිමක ගෙතී තිබීම ප්‍රේක්ෂකයන්ට නව අත්දැකීමක් වනු ඇත.
‘ආදරණීය බොරු’ ප්‍රථම දර්ශනය ඔක්තෝබර් 21 වැනිදා පස්වරු 3.30ට සහ 6.30ට කොළඹ එල්ෆින්ස්ටන් රඟහලේදී පැවැත්වෙන අතර, දෙසැම්බර් 21 වැනිදාද එම රඟහලේම දෙවන වරට වේදිකාගත කිරීමට සැලසුම් කර ඇත.
අනුර කුමාර දිසානායක 
හරිනි අමරසූරිය 
සජිත් ප්රේමදාස 
සිවඥානම් ශ්රීතරන් 
රවුෆ් හකීම් 
රනිල් වික්රමසිංහ 
ආගම / බුද්ධාගම 
ආදර්ශ පාඨය 
ආධ්යාත්මිකත්වය 
ඉතිහාසය 
ඉන්දියාව 
අනුරාධපුර