ඇමරිකාව විසින් කියුබාවට එරෙහිව පනවා ඇති සම්බාධක වහාම ඉවත් කරන ලෙස චීනය දැඩිව ඉල්ලා සිටියි. එක්සත් ජාතීන්ගේ මහා මණ්ඩලයේ පැවති සැසියකදී චීන නිත්‍ය නියෝජිත ෆු කොං මහතා මේ බව අවධාරණය කළේය.
සෑම රටකටම තම රටේ පවතින තත්ත්වයන්ට ගැලපෙන පරිදි සමාජීය පද්ධතිය සහ සංවර්ධන මාර්ගය ස්වාධීනව තෝරා ගැනීමේ අයිතියක් ඇති බව ඔහු පෙන්වා දුන්නේය. කිසිදු රටකට බලහත්කාරයෙන් වෙනත් රටක් මත සම්බාධක පැනවීමට හෝ යුද තර්ජන එල්ල කිරීමට අයිතියක් නොමැති බව චීන නියෝජිතයා වැඩිදුරටත් සඳහන් කළේය.
එමෙන්ම, ත්‍රස්තවාදීන්ට අනුබල දෙන රටවල් ලෙස නම් කර ඇති ලැයිස්තුවෙන් කියුබාව වහාම ඉවත් කරන ලෙස ද ඔහු ජාත්‍යන්තර ප්‍රජාවෙන් ඉල්ලා සිටියේය. අධිකරණ පියවර අයුතු ලෙස භාවිත කරමින් වෙනත් රටවලට බලපෑම් කිරීම ජාත්‍යන්තර නීතියට පටහැනි බව ද ඔහු මෙහිදී සිහිපත් කළේය.
ජාත්‍යන්තර නීතිය සහ එක්සත් ජාතීන්ගේ සංවිධානය කේන්ද්‍ර කරගත් ජාත්‍යන්තර පද්ධතිය ආරක්ෂා කර ගැනීම සඳහා සියලුම රටවල් එක්ව කටයුතු කළ යුතු බව චීන නියෝජිතවරයා අවසාන වශයෙන් අවධාරණය කර සිටියේය.
