පසුගිය දිනවල පැවති ධාරානිපාත වර්ෂාපතනයත් සමඟ ඇල්ල – වැල්ලවාය ප්‍රධාන මාර්ගය ආශ්‍රිතව ඝන මීදුම් තත්ත්වයක් හටගෙන තිබේ. ඊයේ රාත්‍රී කාලයේ සිට අද අලුයම දක්වා මෙම තත්ත්වය පැවති බව වාර්තා වේ.
මෙම මාර්ගය දැඩි බෑවුම් සහ ප්‍රපාතාකාර ප්‍රදේශවලින් සමන්විත බැවින්, මීදුම පවතින අවස්ථාවලදී රථ වාහන ධාවනය කිරීමේදී රියදුරන් දැඩි අවධානයක් යොමු කළ යුතුය.
අනතුරු වළක්වා ගැනීම සඳහා රියදුරන් තම වාහනවල හෙඩ් ලයිට් (Headlights) දල්වා, සෙමින් හා ප්‍රවේශමෙන් රිය ධාවනය කරන ලෙස පොලිසිය විශේෂයෙන් දැනුම් දෙයි.
කඳුකර මාර්ගවල ගමන් ගන්නා රියදුරන් කාලගුණික තත්ත්වයන් පිළිබඳව නිරන්තරයෙන් විමසිල්ලෙන් පසුවීම වැදගත් වේ.
