ශ්රී ලංකා සංචාරක සංවර්ධන අධිකාරිය විසින් නිකුත් කර ඇති නවතම දත්ත වාර්තාවන්ට අනුව, ජුනි මස මුල් දින 14 තුළ මෙරටට පැමිණි විදෙස් සංචාරකයින්ගේ සංඛ්යාව 54,465ක් දක්වා වර්ධනය වී ඇත.
මෙම කාලසීමාව තුළ වැඩිම සංචාරකයින් පිරිසක් පැමිණ ඇත්තේ ඉන්දියාවෙනි. එම සංඛ්යාව 21,839ක් වන අතර එය සමස්ත පැමිණීම්වලින් 42%ක ප්රතිශතයක් බව අධිකාරිය පෙන්වා දෙයි.
ඉන්දියාවට අමතරව එක්සත් රාජධානියෙන් සංචාරකයින් 4,160ක්, චීනයෙන් 3,503ක් සහ ඔස්ට්රේලියාවෙන් 3,105ක් ලෙස සංචාරකයින් මෙරටට පැමිණ තිබේ.
මේ අතර, 2026 වසරේ ජනවාරි මස 01 වන දින සිට ජුනි මස 14 වන දින දක්වා කාලය තුළ මෙරටට පැමිණි සමස්ත සංචාරකයින් සංඛ්යාව 1,076,487ක් ලෙස සටහන් වේ. එම කාලය තුළ ඉන්දියාව, රුසියාව සහ එක්සත් රාජධානිය මෙරට සංචාරක කර්මාන්තයේ ප්රධාන දායකත්වය ලබා දුන් රටවල් ලෙස පෙරමුණ ගෙන ඇත.
