ආරක්ෂක රාජ්ය අමාත්ය විශ්රාමික මේජර් ජෙනරාල් අරුණ ජයසේකර මහතාගේ ප්රධානත්වයෙන් විදේශීය සහන ආධාර සම්බන්ධීකරණ ඉහළ මට්ටමේ කමිටුවේ (HL-FRAC) විශේෂ රැස්වීමක් පසුගිය බදාදා (01) කොළඹදී පැවැත්විණි.
දිත්වා සුළි කුණාටුව හේතුවෙන් ලැබුණු විදේශීය ආධාර සම්බන්ධීකරණය කිරීමේ කටයුතු මේ වන විට අවසන් අදියරට පැමිණ ඇති අතර, එම කාර්යයන්හි ප්රගතිය සමාලෝචනය කිරීම මෙම රැස්වීමේ ප්රධාන අරමුණ විය.
කමිටුවේ අවසන් වාර්තාව සකස් කිරීම සහ ඊට අදාළ අනුමැතිය ලබා ගැනීම පිළිබඳව මෙහිදී දීර්ඝ වශයෙන් සාකච්ඡා කෙරිණි. එමෙන්ම, කමිටුවේ ඉදිරි කටයුතු නිල වශයෙන් අවසන් කිරීම සඳහා අවශ්ය පරිපාලනමය සහ සම්බන්ධීකරණ වගකීම් නිසි ක්රමවේදයන්ට අනුකූලව ඉටු කිරීම පිළිබඳවද අවධානය යොමු විය.
මෙහිදී අදහස් දැක්වූ රාජ්ය අමාත්යවරයා, විදේශීය සහන ආධාර කාර්යක්ෂමව බෙදා හැරීම සඳහා සියලුම පාර්ශ්වයන් ලබා දුන් දායකත්වය අගය කළේය. එසේම, කමිටුවේ ඉතිරි කටයුතු අවසන් කිරීමේදී පාරදෘශ්යභාවය, වගවීම සහ යහපාලනය ආරක්ෂා කර ගැනීමේ වැදගත්කම ඔහු අවධාරණය කළේය.
මෙම රැස්වීම සඳහා ආරක්ෂක අමාත්යාංශයේ ජ්යෙෂ්ඨ නිලධාරීන් සහ අදාළ රාජ්ය ආයතන නියෝජනය කරමින් නිලධාරීහු පිරිසක් සහභාගී වූහ.
