පාකිස්තානයේ වයඹදිග ප්රදේශයේ ඇෆ්ගන් දේශසීමාව ආසන්නයේ පිහිටි ආරක්ෂක මුරපොළක් ඉලක්ක කර ගනිමින් මරාගෙන මැරෙන බෝම්බ ප්රහාරයක් එල්ල වී තිබේ. මෙම ප්රහාරයෙන් සොල්දාදුවන් 12 දෙනෙකු, පොලිස් නිලධාරීන් දෙදෙනෙකු සහ වන සංරක්ෂණ දෙපාර්තමේන්තුවේ හිටපු නිලධාරියෙකු ඇතුළු 15 දෙනෙකු ජීවිතක්ෂයට පත් වූ බව එරට හමුදා මාධ්ය අංශය තහවුරු කරයි.
ප්රහාරය එල්ල වී ඇත්තේ දිගු කලක් තිස්සේ සටන්කාමීන්ගේ ක්රියාකාරකම් වාර්තා වූ ටෑන්ක් දිස්ත්රික්කයේදීය. මරාගෙන මැරෙන බෝම්බකරුවන් සිව් දෙනෙකු මෙම ප්රහාරයට සහභාගී වී ඇති බව වාර්තා වේ.
මෙම ප්රහාරයේ වගකීම ටෙහ්රීක්-ඊ-තලේබාන් පාකිස්තාන් (TTP) සංවිධානය විසින් භාරගෙන තිබේ. 2007 වසරේ සිට පාකිස්තාන රජයට එරෙහිව සන්නද්ධ අරගලයක නිරත වන මෙම කණ්ඩායම, රට තුළ දැඩි ඉස්ලාමීය පාලනයක් ස්ථාපිත කිරීම සිය අරමුණ බව පවසයි.
මෑත කාලීනව වයඹදිග පාකිස්තානය තුළ සටන්කාමී ප්රහාරවල ඉහළ යාමක් දක්නට ලැබෙන අතර, ආරක්ෂක අංශ ඉලක්ක කර ගනිමින් සිදුකරන මෙවැනි ප්රහාර හේතුවෙන් කලාපයේ ආරක්ෂාව දැඩි අභියෝගයකට ලක්ව ඇත.
