යුක්රේනයේ දකුණු දිග කර්සොන් නගරයේදී රුසියානු ඩ්රෝනයක් මගින් සිවිල් වැසියෙකු ඉලක්ක කර ප්රහාරයක් එල්ල කර ඇති බව වාර්තා වේ. යුක්රේන පොලිසිය විසින් නිකුත් කරන ලද වීඩියෝ දර්ශනවල දැක්වෙන්නේ 52 හැවිරිදි එළවළු වෙළෙන්දෙකු තම වෙළඳ රථය වටා දිව යමින් ඩ්රෝන ප්රහාරයෙන් බේරීමට උත්සාහ කරන ආකාරයයි.
මෙම ප්රහාරයෙන් අදාළ පුද්ගලයා දිවි බේරා ගත්තද, ඩ්රෝනය පුපුරා යාමෙන් ඇති වූ ලෝහ කැබලි ශරීරයේ වැදීම හේතුවෙන් ඔහු තුවාල ලබා රෝහල්ගත කර තිබේ.
සිද්ධිය සම්බන්ධයෙන් අදහස් දක්වමින් යුක්රේන ජනාධිපති වොලොදිමීර් සෙලෙන්ස්කි පවසා ඇත්තේ මෙය හිතාමතා සිවිල් වැසියන් ඉලක්ක කර එල්ල කළ ප්රහාරයක් බවයි. රුසියාවට එරෙහිව ජාත්යන්තර පීඩනය තවදුරටත් වැඩි කළ යුතු බවද ඔහු අවධාරණය කරයි.
කෙසේ වෙතත්, තමන් සිවිල් වැසියන් ඉලක්ක කරන බවට එල්ල වන චෝදනා රුසියාව විසින් දැඩි ලෙස ප්රතික්ෂේප කරනු ලබයි. දෙරටම එකිනෙකා මත සිවිල් වැසියන්ට පහර දීමේ චෝදනා එල්ල කර ගනිමින් සිටින අතර, මෙම සිදුවීම ජාත්යන්තර අවධානයට ලක්ව තිබේ.
