ලෝකයේ නැගී එන ආර්ථික බලවතුන්ගේ එකමුතුවක් වන BRICS සමුළුව සඳහා ලෝක නායකයන් මේ වනවිට ඉන්දියාවේ නවදිල්ලි නුවරට පැමිණෙමින් සිටී. 2026 වසරේ සමුළුවේ සභාපතිත්වය දරන ඉන්දියාව, මෙවර සමුළුව සඳහා සාමාජික රටවල නායකයන් මෙන්ම හවුල්කාර රටවල නියෝජිතයන් ද කැඳවා තිබේ.
රුසියානු ජනාධිපති ව්ලැදිමීර් පුටින් සහ චීන ජනාධිපති ෂී ජින්පින් ඇතුළු රාජ්ය නායකයන් රැසක් මෙම සමුළුවට සහභාගි වීමට නියමිතය. මැදපෙරදිග සහ යුක්රේන යුද වාතාවරණය මධ්යයේ පැවැත්වෙන මෙම සමුළුවේදී ගෝලීය ආර්ථික සහයෝගීතාව සහ ජාත්යන්තර පාලන ව්යුහය පිළිබඳව විශේෂ අවධානයක් යොමු කෙරෙනු ඇත.
සමුළුවට සමගාමීව ඉන්දීය අග්රාමාත්ය නරේන්ද්ර මෝදි මහතා විසින් සහභාගි වන රාජ්ය නායකයන් සමඟ ද්විපාර්ශ්වික සාකච්ඡා පැවැත්වීමට නියමිතය. විශේෂයෙන්ම චීන ජනාධිපතිවරයාගේ ඉන්දීය සංචාරය දෙරට අතර රාජ්ය තාන්ත්රික සබඳතා යළි ශක්තිමත් කර ගැනීමේ අවස්ථාවක් ලෙස දේශපාලන විචාරකයෝ දකිති.
සමුළුවේ ආරක්ෂාව වෙනුවෙන් නවදිල්ලි නුවර දැඩි ආරක්ෂක විධිවිධාන ක්රියාත්මක කර තිබේ. පොලිස් නිලධාරීන් 15,000කට අධික පිරිසක් සහ නවීන තාක්ෂණික නිරීක්ෂණ පද්ධති යොදා ගනිමින් නගරයේ ආරක්ෂාව තහවුරු කර ඇති අතර, රාජ්ය නායකයන් ගමන් කරන මාර්ගවල රථවාහන සීමා කිරීම් ද සිදු කෙරේ.
සැප්තැම්බර් 11 වනදා සිට 13 වනදා දක්වා පැවැත්වෙන මෙම සමුළුව හරහා ගෝලීය ආර්ථික අභියෝග ජය ගැනීමට සහ සාමාජික රටවල් අතර සහයෝගීතාව තවදුරටත් පුළුල් කිරීමට අපේක්ෂා කෙරේ.
