ආරක්ෂක රාජ්ය අමාත්ය විශ්රාමික මේජර් ජෙනරාල් අරුණ ජයසේකර මහතා පසුගිය අගෝස්තු 29 වන දින අනුරාධපුර යුද හමුදා රෝහලේ නිරීක්ෂණ චාරිකාවක නිරත විය. එහිදී රෝහලේ පවතින වෛද්ය පහසුකම් සහ සේවා තත්ත්වයන් පිළිබඳව අමාත්යවරයා විශේෂ අවධානයක් යොමු කළේය.
රෝහල් පරිශ්රය වෙත පැමිණි රාජ්ය අමාත්යවරයාව යුද හමුදාපති ලුතිනන් ජෙනරාල් නිලන්ත ප්රේමරත්න මහතා සහ ජ්යෙෂ්ඨ යුද හමුදා නිලධාරීන් විසින් පිළිගනු ලැබීය.
මෙම සංචාරයේදී රෝහලේ යටිතල පහසුකම් තවදුරටත් සංවර්ධනය කිරීම සහ සේවා මට්ටම ඉහළ නැංවීම සඳහා ගත යුතු පියවර පිළිබඳව ජ්යෙෂ්ඨ නිලධාරීන් සමඟ දීර්ඝ වශයෙන් සාකච්ඡා කෙරිණි.
එමෙන්ම, අනුරාධපුර හමුදා හෙද පුහුණු පාසලේ සංවර්ධන කටයුතු පිළිබඳව ද මෙහිදී අවධානය යොමු විය. හෙද කාර්ය මණ්ඩලයේ වෘත්තීය දියුණුව සහ ඔවුන්ට අවශ්ය පහසුකම් ශක්තිමත් කිරීම පිළිබඳව ද අමාත්යවරයා මෙහිදී උපදෙස් ලබා දුන්නේය.
මෙම අවස්ථාව සඳහා යුද හමුදාවේ ජ්යෙෂ්ඨ නිලධාරීන් සහ අනුරාධපුර යුද හමුදා රෝහලේ නිලධාරීන් පිරිසක් එක්ව සිටියහ.
