ලෝක ප්‍රසිද්ධ රේස්ලිං ශූර රෝමන් රේන්ස්, තමන්ට සිහින මට්ටමේ තරගයකට මුහුණ දීමට අවස්ථාව ලැබුණොත් තෝරාගන්නා ප්‍රතිවාදියා කවුරුන්ද යන්න පිළිබඳව අදහස් පළ කර තිබේ. ඔහු මෙම තේරීම සිදුකර ඇත්තේ WWE ක්ෂේත්‍රයෙන් පිටත සිටින ක්‍රීඩකයෙකු වීම විශේෂත්වයකි.
රේන්ස්ගේ තේරීම වී ඇත්තේ අඩි 7කට වැඩි උසකින් යුත් හිටපු NBA සුපිරි ක්‍රීඩක ෂැකිල් ඕ’නීල් හෙවත් ‘ෂැක්’ ය. ඔහු සඳහන් කරන්නේ ලොස් ඇන්ජලීස් ලේකර්ස් කණ්ඩායම නියෝජනය කළ සමයේ සිටි ෂැක්ගේ උපරිම දක්ෂතා දැක්වූ කාල වකවානුව තමන්ට ප්‍රතිවාදියෙකු ලෙස අවශ්‍ය බවයි.
මේ පිළිබඳව අදහස් දක්වමින් රේන්ස් පවසා ඇත්තේ, එම යුගයේ ෂැකිල් ඕ’නීල් තම ශරීර ශක්තිය සහ දැවැන්ත ප්‍රමාණය උපයෝගී කරගනිමින් ප්‍රතිවාදීන්ට දැඩි අභියෝගයක් එල්ල කළ ක්‍රීඩකයෙකු වූ බවයි. කෙසේ වෙතත්, මෙය මනකල්පිත අදහසක් පමණක් වන අතර, තවමත් එවැනි තරගයක් පිළිබඳව කිසිදු නිල තීරණයක් ගෙන නොමැත.
තම වෘත්තීය දිවියේ ඉදිරි ගමන සම්බන්ධයෙන්ද අදහස් දැක්වූ රේන්ස්, තරුණ WWE ක්‍රීඩකයින් ඉදිරියට පැමිණීමත් සමඟ තමන් ක්‍රමයෙන් වෘත්තීය දිවියේ අවසන් අදියර වෙත ළඟා වෙමින් සිටින බව පෙන්වා දුන්නේය. තමන් ක්‍රමයෙන් පසුබසින විට නව පරපුර WWE හි ප්‍රධාන භූමිකාවන් භාරගනු ඇති බවත්, එමඟින් තමන්ට නව ප්‍රතිවාදීන් සමඟ තරග කිරීමට අවස්ථාව උදාවනු ඇති බවත් ඔහු වැඩිදුරටත් පැවසීය.
