ඉන්දීය කාන්තා ක්‍රිකට් කණ්ඩායමේ නායකත්වයේ වෙනසක් සිදුව ඇති අතර, හර්මන්ප්‍රීත් කෞර් එම තනතුරෙන් ඉවත් වීමත් සමඟ නව නායිකාව ලෙස ස්ම්‍රිති මන්දානා පත් කර ඇත. මෙම පත්වීම සිදු කෙරුණේ පසුගිය 6 වන දිනයි.
2013 වසරේ සිට ඉන්දීය කණ්ඩායම නියෝජනය කරන ස්ම්‍රිති මන්දානා, කණ්ඩායමේ ජ්‍යෙෂ්ඨතම සහ ප්‍රමුඛතම ක්‍රීඩිකාවකි. ඇය මෙතෙක් පැමිණි ක්‍රිකට් ගමනේදී කණ්ඩායමේ ප්‍රගතිය වෙනුවෙන් විශාල දායකත්වයක් ලබා දී ඇත.
ඇයගේ නායකත්ව කුසලතා මීට පෙර දේශීය සහ ෆ්‍රැන්චයිස් ක්‍රිකට් තරගාවලි හරහා මනාව පෙන්නුම් කර තිබේ. විශේෂයෙන්ම 2024 සහ 2026 වසරවලදී රෝයල් චැලෙන්ජර්ස් බැංගලෝර් කණ්ඩායම කාන්තා ප්‍රිමියර් ලීග් ශූරතාව කරා රැගෙන යාමට ඇය සමත් වූවාය.
අත්දැකීම් බහුල ක්‍රීඩිකාවක ලෙස ස්ම්‍රිති මන්දානා ඉන්දීය කාන්තා ක්‍රිකට් කණ්ඩායම නව පරිච්ඡේදයකට රැගෙන යනු ඇතැයි ක්‍රිකට් විචාරකයෝ අපේක්ෂා කරති.
