ඊශ්‍රායලයට එල්ල වූ ඔක්තෝබර් 7 ප්‍රහාරයට වසර තුනක් සපිරීම නිමිත්තෙන් එරට ටෙල් අවිව් නගරයේදී විශේෂ අනුස්මරණ උත්සව මාලාවක් සංවිධානය කර තිබුණි. මෙම ප්‍රහාරයෙන් ජීවිතක්ෂයට පත් වූවන්ගේ පවුල්වල සාමාජිකයන් සහ හිතවතුන් එක්ව තම ආදරණීයයන් සිහිපත් කළහ.
මෙම අවස්ථාවට එක්වෙමින් ඊශ්‍රායල අග්‍රාමාත්‍ය බෙන්ජමින් නෙදන්යාහු ප්‍රකාශ කළේ, මෙම ශෝකජනක දිනය තුළ සමස්ත ජාතියම එකම අරමුණක් වෙනුවෙන් එක්ව සිටින බවයි.
2023 වසරේ ඔක්තෝබර් 7 වන දින හමාස් සටන්කාමීන් එල්ල කළ ප්‍රහාරයෙන් පුද්ගලයින් 1,200 ක් මියගිය අතර, තවත් 251 දෙනෙකු ප්‍රාණ ඇපකරුවන් ලෙස රඳවා ගනු ලැබීය. මෙම සිදුවීමත් සමඟ ආරම්භ වූ ගැටුම් පසුගිය වසරේ ඔක්තෝබර් මාසයේදී අවසන් වුවද, එහි ප්‍රතිවිපාක තවමත් පවතින බව වාර්තා වේ.
ගාසා තීරයේ පැවති යුද ගැටුම් හේතුවෙන් 74,000 කට අධික පිරිසක් ජීවිතක්ෂයට පත් වූ අතර ලක්ෂ සංඛ්‍යාත ජනතාවක් අවතැන් වූහ. දැනට යුද විරාමයක් ක්‍රියාත්මක වුවද, ගාසා තීරයේ මිලියන 2.1 ක ජනතාවක් තවමත් දැඩි ජීවන අර්බුදයකට මුහුණ දී සිටින බව විදෙස් වාර්තා පෙන්වා දෙයි.
