පාකිස්තානය සහ එංගලන්තය අතර පැවැති තීරණාත්මක එක්දින තරගයකදී, ශඩාබ් ඛාන් දැවී ගිය බවට විනිසුරු තීරණය කිරීමත් සමඟ එංගලන්තය ජයග්‍රහණය කළ බව බොහෝ දෙනා විශ්වාස කළහ. එම අවස්ථාවේදී ශඩාබ් සිය පිත්ත බිමට ගසා එංගලන්ත ක්‍රීඩකයන් සමඟ අතට අත දී සුබපතා ගැනීමට පවා කටයුතු කළේය.
කෙසේ වෙතත්, තෙවැනි විනිසුරුගේ DRS පරීක්ෂාවකින් තරගයේ ගමන් මග සම්පූර්ණයෙන්ම වෙනස් විය. එහිදී UltraEdge තාක්ෂණය මගින් පන්දුව ශඩාබ්ගේ පිත්තේ ඇතුළත දාරයේ වැදී ඇති බව තහවුරු වූ අතර, ඔහු නොදැවී සිටින ක්‍රීඩකයෙකු ලෙස නම් කෙරිණි.
එම තීරණයත් සමඟ යළිත් තරගයට පිවිසි ශඩාබ් ඛාන්, පන්දු 96කින් ලකුණු 113ක් ලබා ගනිමින් පාකිස්තානය ජයග්‍රහණය කරා රැගෙන ගියේය. කඩුලු 9ක් දැවී ලකුණු 154ක් ලබා සිටි අසීරු අවස්ථාවකදී, හාරිස් රවුෆ්ගේ සහාය ඇතිව ඔහු මෙම ජයග්‍රහණය වාර්තා කළේය.
තරගයෙන් අනතුරුව අදහස් දක්වමින් ශඩාබ් පැවසුවේ, මෙම ජයග්‍රහණය සඳහා තමන්ට වඩා හාරිස් රවුෆ්ට ගෞරවය හිමිවිය යුතු බවයි. මෙම ජයග්‍රහණයත් සමඟ පාකිස්තානය තුන්කොන් එක්දින තරගාවලියේ අවසන් මහා තරගයට සුදුසුකම් ලබා ගැනීමට සමත් විය.
