චීනයේ වුහාන් (Wuhan) නගරයේ අංක 12 දරන උමං දුම්රිය මාර්ගය අද (29) සිට මහජනතාව සඳහා විවෘත කර ඇත. චීන නාගරික දුම්රිය මාර්ග ප්‍රවාහන සංගමය පවසන පරිදි, මෙය මේ වන විට චීනයේ ඉදිකර ඇති දීර්ඝතම වටරවුම් උමං දුම්රිය මාර්ගය ලෙස වාර්තා වේ.
මෙම නව මාර්ගය වුහාන් නගරයේ ප්‍රධාන දිස්ත්‍රික්ක හතක් එකිනෙක සම්බන්ධ කරමින් ගමන් කරයි. මෙහි භූගත දුම්රිය ස්ථාන 37ක් ස්ථාපිත කර ඇති අතර, එය නගරයේ ප්‍රධාන දුම්රිය මධ්‍යස්ථාන දෙකක් වන හන්කෝ (Hankou) සහ වුචෑන් (Wuchang) අතර සම්බන්ධතාවය තහවුරු කරයි.
එමෙන්ම, දැනට පවතින සහ ඉදිරියේදී සැලසුම් කර ඇති උමං දුම්රිය මාර්ග 18ක් සමඟ හුවමාරු පහසුකම් ලබා ගැනීමට මෙම ව්‍යාපෘතිය මගින් අවස්ථාව උදාවෙයි. යැංසි ගංගාව සහ හන්ජියෑන්ග් ගංගාව හේතුවෙන් නගරයේ ගමනාගමනයට එල්ල වී තිබූ ස්වාභාවික බාධාවන් මගහරවා ගැනීමට මෙම මාර්ගය මහත් පිටුවහලක් වනු ඇතැයි අපේක්ෂා කෙරේ.
මෙම ව්‍යාපෘතිය යැංසි ගංගා ආර්ථික තීරයේ ප්‍රධාන නගරවල ඒකාබද්ධ ප්‍රවාහන මධ්‍යස්ථාන සංවර්ධනය කිරීමේ කටයුතු සඳහා ද විශාල දායකත්වයක් ලබා දෙනු ඇති බව වාර්තා වේ.
AI illustration; not a photograph of the reported event.
