රණවිරු සේවා අධිකාරියේ මූල්‍ය ස්ථාවරත්වය සහ ඉදිරි සුභසාධන කටයුතු පිළිබඳ සාකච්ඡාවක් ආරක්ෂක නියෝජ්‍ය අමාත්‍ය මේජර් ජෙනරාල් (විශ්‍රාමික) අරුණ ජයසේකර මහතාගේ ප්‍රධානත්වයෙන් කොළඹ පිහිටි ආරක්ෂක අමාත්‍යාංශයේදී පැවැත්විණි.
රණවිරු සේවා අධිකාරිය වෙත ජාතික ලොතරැයි මණ්ඩලයෙන් ලැබෙන ආදායම් දායකත්වය සහ එහි කාර්යභාරය මෙහිදී විශේෂ අවධානයට ලක්විය. පසුගිය වසර දෙක තුළ භාණ්ඩාගාර ප්‍රතිපාදන ලැබුණු ආකාරය සහ 2027 වසර සඳහා සැලසුම් කර ඇති ව්‍යාපාරික හා සුභසාධන ව්‍යාපෘතිවල මූල්‍ය අපේක්ෂාවන් පිළිබඳව ද පුළුල් ලෙස සාකච්ඡා කෙරිණි.
අධිකාරියේ වාර්ෂික අරමුණු සහ මූල්‍ය ඉලක්ක සපුරා ගැනීමේදී මතුවන අභියෝග මෙන්ම ඒවායේ කාර්යක්ෂමතාව ඉහළ නැංවිය හැකි ක්‍රමවේද පිළිබඳව ද මෙහිදී මන්ත්‍රණය කර ඇත. රණවිරුවන්ට සහ ඔවුන්ගේ පවුල්වල සාමාජිකයන්ට ලබාදෙන සුභසාධන ප්‍රතිලාභ තවදුරටත් ශක්තිමත් කිරීමට ජාතික ලොතරැයි මණ්ඩලයේ මූල්‍ය දායකත්වය හිමිවේ.
ඒ අනුව, 2026 වසරේදී රුපියල් මිලියන 198ක් වಿದ್ದ සුභසාධන ප්‍රතිපාදන ප්‍රමාණය 2027 වසර සඳහා රුපියල් මිලියන 440ක් දක්වා දෙගුණයකටත් වඩා වැඩි කිරීමට යෝජනා වී තිබේ. මෙම නව ව්‍යාපෘති යටතේ නිවාස ආධාර මෙන්ම අනෙකුත් සුභසාධන හා පුනරුත්ථාපන වැඩසටහන් ක්‍රියාත්මක කිරීමට අපේක්ෂිතය.
මෙම සාකච්ඡාව සඳහා ආරක්ෂක ලේකම් එයාර් වයිස් මාර්ෂල් (විශ්‍රාමික) සම්පත් තුයියකොන්ත, ජාතික ලොතරැයි මණ්ඩලයේ සභාපති සිරිල් ඇන්තනි පෙරේරා, රණවිරු සේවා අධිකාරියේ සභාපති බ්‍රිගේඩියර් (විශ්‍රාමික) සੇනරත් කොහොන යන මහත්වරුන් ඇතුළු අමාත්‍යාංශ නියෝජිතයෝ සහ රාජ්‍ය නිලධාරීහු පිරිසක් එක්ව සිටියහ.
