ලියාපදිංචි නොකළ මාර්ගගත (Online) ණය ලබාදෙන ජංගම දුරකථන යෙදවුම් හරහා සුළු ණය මුදල් ලබා ගැනීමේදී මහජනතාව දැඩි අවදානමකට ලක්විය හැකි බව ශ්රී ලංකා පොලිසිය සහ පරිගණක හදිසි ප්රතිචාර සංසදය ඒකාබද්ධව අනතුරු අඟවයි.
මෙවැනි වංචනික යෙදවුම් මගින් ණය ලබා ගන්නා පුද්ගලයන්ගේ පෞද්ගලික දත්ත ජාවාරම්කරුවන් අතට පත්වීමෙන්, පසුකාලීනව ඔවුන්ව බ්ලැක්මේල් කිරීමේ (Blackmail) සහ විවිධ අපහසුතාවන්ට ලක් කිරීමේ ප්රවණතාවක් පවතින බව පොලිස් මාධ්ය කොට්ඨාසය පෙන්වා දෙයි.
යම් ජංගම දුරකථන යෙදවුමක් ස්ථාපනය කිරීමට පෙර, එමගින් ඔබගේ දුරකථනයේ පවතින පෞද්ගලික තොරතුරු, ඡායාරූප, පණිවිඩ සහ දුරකථන සම්බන්ධතා ලැයිස්තුව වෙත ප්රවේශ වීමට ඉල්ලා සිටින අවසරයන් (Permissions) පිළිබඳව දැඩි අවධානයක් යොමු කරන ලෙස පොලිසිය මහජනතාවගෙන් ඉල්ලා සිටී.
එවැනි අනිසි අවසරයන් ලබා දීමෙන් වළකින ලෙසත්, මූල්ය ගනුදෙනු සඳහා නීත්යානුකූලව ලියාපදිංචි වී ඇති පිළිගත් මූල්ය ආයතන පමණක් භාවිත කරන ලෙසත් බලධාරීන් වැඩිදුරටත් අවධාරණය කරයි.
