බොස්නියා සහ හර්සගොවිනා රාජ්‍යයේ ස්ථාපිත යුරෝපා සංගම් සාමසාධක බලකායට අයත් ඉතාලි හමුදා හෙලිකොප්ටර් යානයක් අනතුරට ලක්වී තිබේ. මෙම අනතුරින් යානයේ ගමන් ගත් පුද්ගලයින් සිව්දෙනෙකු ජීවිතක්ෂයට පත්ව ඇති බව ඉතාලි ආරක්ෂක අමාත්‍යාංශය තහවුරු කරයි.
අනතුර සිදුවන අවස්ථාවේදී යානය තුළ පුද්ගලයින් 15 දෙනෙකු ගමන් කර ඇති අතර, ඉන් 11 දෙනෙකු තුවාල ලබා රෝහල්ගත කර ඇත. කෙසේ වෙතත්, තුවාල ලැබූවන්ගේ තත්ත්වය බරපතළ නොවන බව වාර්තා වේ.
මියගිය පිරිස අතර ඉතාලි හමුදා සාමාජිකයින් දෙදෙනෙකු සහ ඉතාලි රතු කුරුස සංවිධානයේ ස්වේච්ඡා සාමාජිකයින් දෙදෙනෙකු සිටින බව අමාත්‍යාංශය වැඩිදුරටත් සඳහන් කරයි.
මෙම අනතුර සිදුව ඇත්තේ බ්‍රච්කෝ දිස්ත්‍රික්කයේ ගොරිචේ ගම්මානය ආශ්‍රිත ප්‍රදේශයේදීය. යුරෝපා සංගම් බලකාය විසින් ක්‍රියාත්මක කරනු ලබන ‘අල්තියා’ සාම සාධක මෙහෙයුම සඳහා මෙම යානය යොදවා තිබූ බව විදෙස් මාධ්‍ය වාර්තා කරයි.
