අනුරාධපුර දිස්ත්‍රික්කයේ මහවිලච්චිය ප්‍රාදේශීය ලේකම් කොට්ඨාසයට අයත් තන්තිරිමලේ කිව්ලේකඩ ප්‍රදේශයේ ජනතාව මුහුණ දී සිටි පිරිසිදු පානීය ජල ගැටළුවට විසඳුමක් ලෙස නව ප්‍රති ආශ්‍රැතිකරන ජල පිරිපහදු මධ්‍යස්ථානයක් ස්ථාපනය කර තිබේ.
මෙම ව්‍යාපෘතිය නාවික හමුදාවේ සමාජීය මෙහෙවරක් ලෙස ක්‍රියාත්මක වූ අතර, එහි තාක්ෂණික සහ ශිල්පීය දායකත්වය නාවික හමුදාව විසින් ලබා දී ඇත. සෞඛ්‍ය අමාත්‍යාංශයේ මඟපෙන්වීම යටතේ සිදුකළ මෙම කටයුත්ත සඳහා ‘Serve With Smile’ සංවිධානයේ සභාපති ගාමිණී කළුබෝවිල මහතා මූල්‍ය අනුග්‍රහය දක්වා ඇත.
වකුගඩු රෝගය බහුලව වාර්තා වන මෙම ප්‍රදේශයේ ජනතාවට වසර ගණනාවක් පුරා පිරිසිදු පානීය ජලය ලබාගැනීම බරපතළ අභියෝගයක්ව පැවතුණි. මෙම නව මධ්‍යස්ථානය විවෘත කිරීමත් සමඟ එම ප්‍රදේශවාසීන්ට ආරක්ෂිත පානීය ජලය පහසුවෙන් ලබාගැනීමේ අවස්ථාව උදාවී ඇත.
ශ්‍රී ලංකා නාවික හමුදාව විසින් දිවයින පුරා ස්ථාපනය කරන ලද ප්‍රති ආශ්‍රැතිකරන ජල පිරිපහදු මධ්‍යස්ථාන සංඛ්‍යාව මෙම ව්‍යාපෘතියත් සමඟ 1,164ක් දක්වා ඉහළ ගොස් තිබේ.
AI illustration; not a photograph of the reported event.
