මුලතිව් ප්රාදේශීය ලේකම් කාර්යාලයේදී පැවති මෙම සිවිල්-හමුදා සම්බන්ධීකරණ රැස්වීමේදී කේප්පාපිලවු සහ වඩ්ඩුවක්කල් ප්රදේශවල පවතින ඉඩම් ගැටලු පිළිබඳව දීර්ඝ වශයෙන් සාකච්ඡා කෙරිණි. මෙම ඉඩම් දැනට ශ්රී ලංකා යුද හමුදාව සහ නාවික හමුදාව විසින් භාවිත කරනු ලබයි.
උතුරු පළාත් ආණ්ඩුකාර නාගලිංගම් වේදනායගම්, නියෝජ්ය අමාත්ය උපාලි සමරසිංහ සහ වන්නි දිස්ත්රික් පාර්ලිමේන්තු මන්ත්රී ආචාර්ය සෙල්ලතම්බි තිලගනාදන් යන මහත්වරුන් ඇතුළු රාජ්ය නිලධාරීන් පිරිසක් මෙම අවස්ථාවට එක්ව සිටියහ.
ජාතික ආරක්ෂාවට හානියක් නොවන පරිදි, ජනතාව කේන්ද්ර කරගත් ප්රායෝගික විසඳුම් සෙවීමේ වැදගත්කම ආරක්ෂක නියෝජ්ය අමාත්යවරයා මෙහිදී අවධාරණය කළේය. ආරක්ෂක අංශවල පැවැත්ම ජනතාවගේ ආරක්ෂාවට මෙන්ම ප්රජා සේවාවන් සඳහාද විශාල ශක්තියක් බව ඔහු පෙන්වා දුන්නේය.
මෙම සාකච්ඡාවේදී ප්රදේශවාසීන්ට තම ගැටලු සෘජුවම නියෝජ්ය අමාත්යවරයා වෙත ඉදිරිපත් කිරීමට අවස්ථාව ලබා දීම විශේෂත්වයක් විය. රජයේ විනිවිදභාවය සහ සංහිඳියාව තහවුරු කරමින්, අදාළ ගැටලු සඳහා තිරසාර විසඳුම් ලබා දීමට සියලුම පාර්ශ්වයන් එක්ව කටයුතු කරන ලෙස උපදෙස් ලබා දෙන ලදී.
